(Thursday , 21 November,2024)
Anonymous
काठमाडौं । फ्रेन्चाइज फुटबल प्रतियोगिता नेपाल सुपर लिग (एनएसएल) का सबै खेल काठमाडौंमा हुने भएको छ ।
आयोजक नेपाल स्पोर्ट्स एण्ड इभेन्ट म्यानेजमेन्ट कम्पनीले आईतबार बिज्ञप्ति जारी गर्दै प्रतियोगिताको सम्पुर्ण खेल काठमाडौंमा हुने जानकारी गराएको हो ।
एनएसएलको दोस्रो संस्करण मंसिर ८ गतेबाट सञ्चालन गर्ने तयारी छ ।
एनएसएलले देशको पछिल्लो बिग्रदो आर्थिक अवस्थाको कारण देखाउँदै सबै खेल राजधानी काठमाडौंमा गर्ने निर्णय गरिएको दाबी गरेको छ । एनएसएलको पहिलो संस्करण समेत काठमाडौंको दशरथ रंगशालामा भएको थियो ।
आयोजकले दोस्रो संस्करण काठमाडौं बाहिर लैजाने घोषणा गरेको थियो । पोखरा र विराटनगरलाई सम्भावित खेल स्थलको रुपमा हेरिएको थियो ।
देशको बिग्रदो आर्थिक अवस्थाका कारण काठमाडौंमा मात्र खेल सञ्चालन गर्दा सहभागी टिमको खर्च घट्ने एनएसएलले बताएको छ ।
यसैबीच विराटनगर सिटी एफसीले प्रतियोगिताबाट हात झिकेको आयोजकले जानकारी दिएको छ । विराटनगर दोस्रो संस्करणको प्रतियोगितामा सहभागी नहुने आयोजकको भनाई छ ।
आयोजकले विराटनगरलाई बाहिर राख्दै खेलको तालिका समेत सार्वजनीक गरेको छ । पहिलो उद्घाटन खेलमा काठमाडौं र इलाम भिड्ने तय भएको छ ।
विराटनगर बाहिरिएसँगै एनएसएलमा अब ९ टिम मात्र सहभागी हुनेछन् ।
प्रतियोगितामा काठमाडौं रेजर्स, पोखरा थन्डर्स, वुटवल लुम्बिनी, विरगञ्ज युनाईटेड, धनगढी एफसी, ललितपुर सिटी एफसी, एफसी चितवन, स्पोर्टिङ इलाम र झापा एफसी रहेका छन् ।
प्रतिक्रिया