(Thursday , 21 November,2024)
NepalNewsLine
काठमाडौं । नेपाल, भारत र बंगलादेशका मन्त्रीबीच विद्युत् व्यापारका लागि त्रिपक्षीय सम्झौता हुने भएको छ ।
तीन देशका मन्त्रीको उपस्थितिमा सम्झौता साउन १३ गते (जुलाई २८) मा विद्युत् व्यापार सम्झौता गर्न हुन लागेको ऊर्जा मन्त्रालयका प्रवक्ता नविनराज सिंहले बताए । नेपालबाट उत्पादित ४० मेगावाट विद्युत् निर्यात हुने छ ।
नेपालका ऊर्जा, जलस्रोत तथा सिंचाइमन्त्री दीपक खड्का, बंगलादेशका ऊर्जा मन्त्री नस्रुल हमिद र भारतका पावर मिनिस्टर मनोहरलाल खट्टर बीच ऊर्जा सम्झौता हुन लागेको हो ।
सम्झौतामा भने नेपाल विद्युत् प्राधिकरण, एनभीभीएन भारत र बंगलादेश पावर डेभलप्मेन्ट बोर्ड (बीपीडीबी) बीच हुने छ ।
बीपीडीबीले २०८० पुस १६ गते नेपालबाट उत्पादित ४० मेगावाट विद्युत् बंगलादेश, भारत र नेपालका निकायहरुबीचको त्रिपक्षीय सम्झौता अनुसार ५ वर्षसम्म खरिदका लागि बोलपत्र (टेण्डर) आह्वान गरेको थियो ।
नेपाल प्राधिकरणले विद्युत् बिक्रीका लागि कागजात पेस गरेको थियो ।
सिंहले भने, ‘नेपालले प्रत्येक वर्षको ५ महिना जुन १५ तारिखदेखि नोभेम्बर १५ तारिखसम्म बिजुली निर्यात गर्नेछ । महिना २८ हजार ८०० मेगावाट आवर विद्युत् निर्यात हुन्छ ।
प्रतियुनिट बिजुलीको मूल्य ६.४ सेन्ट पाइन्छ । नेपालले ५ वर्षको विद्युत् निर्यातबाट १ अर्ब २३ करोड रुपैयाँ आम्दानी गर्नेछ ।’
प्रतिक्रिया