(Tuesday , 03 December,2024)
Anonymous
काठमाडौं । भारतले पहिलो टी-ट्वान्टी आई खेलमा घरेलु टोली आयरल्यान्डलाई हराएको छ ।
डब्बिलमा शुक्रबार राती भएको खेलमा भारत डकवर्थ लेविस पद्धतिको आधारमा दुई रनले विजयी भएको हो । योसँगै तीन खेलको टी-ट्वान्टी सिरिजमा भारतले १-० को अग्रता लिएको छ ।
आयरल्यान्डले दिएको १ सय ४० रनको लक्ष्य पछ्याएको भारतले ६ दशमलब ५ ओभरमा २ विकेट गुमाउँदै ४७ रन बनाएको अवस्थामा खेल वर्षाको कारण रोकिएको थियो ।
त्यसपछि निरन्तरको वर्षाको कारण खेल हुन नसकेपछि भारत डकवर्थ लेविस पद्धतिको आधारमा विजयी भयो । ओपनर ऋतुराज गायकवाड १६ बलमा १ चौका र १ छक्कासहित १९ रन र सञ्जु स्यामसन १ रनमा अविजित रहे ।
अर्का ओपनर यशस्वी जैसवाललाई २३ बलमा ३ चौका र १ छक्का सहित २४ रनमा क्याच भए ।
आयरल्यान्डका क्रेग योंगले २ विकेट लिए ।
त्यसअघि टस हारेर पहिला ब्याटिङ गरेको आयरल्यान्डले निर्धारित २० ओभरमा ७ विकेट गुमाउँदै १ सय ३९ रन बनाएको थियो ।
आयरल्यान्डका लागि ब्यारी म्याकार्थीले ३३ बलमा ४ चौका र ४ छक्कासहित अविजित ५१ को अर्धशतकीय ईनिङ खेले पनि टोलीलाई जित दिलाउन सकेनन् ।
कर्टिस क्याम्फर ३३ बलमा ३ चौका र १ छक्कासहित ३९ रनमा आउट भए ।
करिब एक वर्षपछि भारतीय टोलीमा फर्किएका बुमराहले पहिलो ओभरमै दुई विकेट लिएका थिए ।
भारतका जस्प्रित बुमराह, रवि विश्रोई र प्रसिद्ध कृष्णाले समान २र२ विकेट लिए ।
दुई टोलीबीचको दोस्रो खेल आइतबार हुनेछ ।
प्रतिक्रिया