(Thursday , 21 November,2024)
NepalNewsLine
१५ कार्तिक, काठमाडौं - काठमाडौंको गोठाटारमा गोली चलेको छ ।
काठमाडौं उपत्यका अपराध अनुसन्धान कार्यालयको विशेष टोलीले २०० ग्राम ब्राउनसुगर र हतियारसहित एक नेपाली र एक भारतीय नागरिकलाई गोलि हानेर नियन्त्रणमा लिएको हो।
लागूऔषध कारोबारी भारतीय नागरिक मोहमद करिमलाई समात्न खोज्दा प्रहरीलाई आक्रमण गर्न खोजेपछि प्रहरीले गोली चलाएको थियो । करिमको दाहिने तीघ्रामा गोली लागेको उपत्यका अपराध अनुसन्धान कार्यालयले जनाएको छ ।
प्रहरीले उनको साथबाट दुई सय ग्राम खैरो हेरोइन र तराजु बरामद गरेको छ । उनीसँगै नेपाली नागरिक हर्क लिम्बु पनि पक्राउ परेको प्रहरीले जनाएको छ । यसअघि २८ जेठमा पनि प्रहरीको लागूऔषध नियन्त्रण ब्यूरोले गोली हानेर एक जना लागूऔषध कारोबारीलाई समातेको थियो ।
प्रतिक्रिया