(Thursday , 21 November,2024)
NepalNewsLine
२२ जेठ, काठमाडौं - सोमबार नेपाली बजारमा सुनचाँदीको कारोबार मूल्य स्थिर भएको छ ।
अन्तर्राष्ट्रिय बजारमा सामान्य गिरावट आएपनि स्थानीय बजारमा घटबढ भएको छैन् ।
नेपाल सुन चाँदी व्यवसायी महासंघका अनुसार सोमबार सुन प्रतितोला १ लाख ११ हजार ६ सय रुपैयाँ छ ।
गत सातासम्म सुनको मूल्य बढ्दै प्रतितोला १ लाख १३ हजार ३ सय रुपैयाँ पुगेको थियो । बढोत्तरीमा ब्रेक लाग्दै साताको पहिलो दिन आईतबार तोलामा १ हजार ७०० रुपैयाँले घटेर मूल्य निर्धारण भएको थियो । आइतबार कायम प्रतितोला १ लाख ११ हजार ६ सय रुपैयाँमा सोमबार घटबढ भएको छैन ।
चाँदीको मूल्य पनि स्थिर छ । गत साताको अन्तिम दिनको तुलनामा २० रुपैयाँ घट्दा आइतबार प्रतितोला १ हजार ४१५ रुपैयाँमा कारोबार भएको थियो । अन्तर्राष्ट्रिय बजारमा सोमबार सुनचाँदीको मूल्य घटेको छ ।
आइतबार प्रतिऔंस १९४८।१९ डलर रहेको सुन सोमबार १९४५।१३ डलरमा कारोबार भइरहेको छ । चाँदी पनि प्रतिऔंस २३।६२ डलरबाट २३।५५ डलर आइपुगेको छ ।
प्रतिक्रिया