(Saturday , 23 November,2024)
NepalNewsLine
काठमाडौं । राष्ट्रिय स्वतन्त्र पार्टी (रास्वपा)ले निर्वाचन आयोगमा केन्द्रीय समितिको अद्यावधिक विवरण बुझाएको छ ।
असार २५ गते बसेको केन्द्रीय समितिको बैठकले अनुशासनको कारबाही गर्दै मुकुल ढकाललाई महामन्त्री, प्रवक्ता र केन्द्रीय समितिबाट पदमुक्त गरेको थियो ।
राजनीतिक दल सम्बन्धी ऐन, २०७३ को दफा ५१ बमोजिम राजनीतिक दल सम्बन्धी विवरण हेरफेरको जानकारी ३० दिनभित्र निर्वाचन आयोगलाई बुझाउनु पर्ने व्यवस्था छ ।
रास्वपाले सहमहामन्त्री एवं संगठन विभाग प्रमुख कविन्द्र बुर्लाकोटीलाई कार्यवाहक महामन्त्रीको जिम्मेवारी दिएको छ । कार्यवाहक प्रवक्ताको जिम्मेवारी सहप्रवक्ता मनिष झाले पाएका छन् ।
प्रतिक्रिया