(Tuesday , 03 December,2024)
NepalNewsLine
काठमाडौँ । तपाईँले सोनी, जेबीएल, जेनहेइजरजस्ता कयौँ कम्पनीको महँगो हेडफोन त देख्नु भएकै होला । यहाँ हामी झन्डै सवा २ लाख नेपाली रुपैयाँ पर्ने एउटा हेडफोनबारे कुराकानी गर्न गइरहेका छौँ । यो इयरफोन फ्रान्सेली लक्जरी कम्पनी लुई भिटोँले बनाएको हो । यो कम्पनी असाधारण डिजाइन अनि महँगो प्रडक्टको लागि चर्चित छ ।
लुई भिटोँले लक्जरी ब्याग, बेल्ट र लत्ताकपडा आदि बनाउँछ । तर अहिले यो कम्पनीले ल्याएको वायरलेस इयरफोनले निटिजन्सबीच सनसनी मच्चाइरहेको छ । यसको कारण इयरफोनको मूल्य हो । लुई भिटोँ होरिजन लाइट अप इयरफोन्सलाई विश्वको सबैभन्दा महँगो इयरफोन बताइएको छ । यो इयरफोन यही वर्षको मार्चमा रिलिज गरिएको थियो । यसको मूल्य १ हजार ६ सय ६० डलर अर्थात् २ लाख २१ हजार आसपास पर्छ । यति मूल्यमा त सुपर प्रिमियम आइफोन नै आउँछ ।
यसलाई लाइटवेट एल्युमिनियम फ्रेममा तयार गरिएको छ । यसमा पलिश्ड सफायरको पत्र पनि दिइएको छ । एक्टिभ नाइस क्यान्सिलेशन र ब्याकग्राउन्ड नाइस एलिमिनेटिङ माइक्रोफोन दिइएको छ । यसमा युजरले एक पटकमा दुई अलग–अलग सोर्सेजबाट अडियो स्ट्रिम गर्न सक्छन् । यो ५ ओटा कलर अप्सनमा छ । यो ग्याजेटको ब्याट्री लाइफ २८ घण्टाको छ । यो ब्याट्री स्टेनलेस स्टील क्यारी केसको साथमा आउँछ । यसले पावर बैंकको रूपमा काम गर्छ ।
प्रतिक्रिया