(Friday , 10 May,2024)
NepalNewsLine
१२ साउन, काठमाडौं - सप्तरीमा धारिलो हतियार प्रहार गरि एक युवकको हत्या गरिएको छ ।
शुक्रबार बिहान साढे ६ बजे हनुमाननगर कंकालिनी नगरपालिका १० इनरूवाका २१ वर्षीय तिरिकनारायण मण्डल मृत फेला परेको जिल्ला प्रहरी कार्यालय सप्तरीले जनाएको छ ।
प्रहरीका अनुसार तिलाठी कोइलाडी गाउँपालिका ७ मनसापुरस्थित भित्री सडक किनाराको नहरमा मण्डल मृत फेला परेका हुन्।
शवको प्रकृति हेर्दा उनीमाथि धारिलो हतियार प्रहार गरी हत्या भएको अनुमान गरिएको छ ।
हत्या भएका मण्डलका साथी हनुमाननगर कंकालिनी ११ का अजय मण्डल गम्भीर घाइते अवस्थामा भेटिएका छन्।
घटनाको अनुसन्धानका लागि प्रदेश प्रहरी कार्यालयबाट तालिमप्राप्त कुकुरसहितको टोली खटाएर अनुसन्धान अगाडी बढाइएको छ ।
प्रतिक्रिया