(Friday , 10 May,2024)
Anonymous
काठमाडौं । क्रिस्टियानो रोनाल्डोले ह्याट्रिक पुरा गरेको खेलमा साउदी प्रो लिगमा अल नासिर क्लबले शानदार जित निकालेको छ ।
शुक्रबार राति रोनाल्डो प्रेरित अल नासिरले अल फतेहीमाथि ५–० को शानदार जित निकालेको हो ।
खेलको २८ औं मिनेटमा साडियो मानेले गोल गर्दै अल नासिरलाई अग्रता दिलाएका थिए । रोनाल्डोको पासलाई सदुपयोग गर्दै मानेले गोल गरेका थिए ।
मानेले दोस्रो गोल गर्नुअघि रोनाल्डोले समेत दुई गोल पुरा गरेका थिए । खेलको इन्जुरी समयमा गोल गर्दै रोनाल्डोले ह्याट्रिक पुरा गरे ।
म्यानचेस्टर युनाईटेड र रियल मड्रिडका पूर्व खेलाडीले क्लबका लागि तेस्रो ह्याट्रिक पुरा गरेका हुन् ।
अल नासिर तीन खेलको समाप्तिमा १८ टिम सहभागी लिगको १० औं स्थानमा छ ।
प्रतिक्रिया