(Friday , 10 May,2024)
Anonymous
काठमाडौं । पाहुना टोली न्युजिल्यान्डले घरेलु टोली युएईलाई पहिलो टी-ट्वान्टी आईमा पराजित गरेको छ ।
बिहीबार राती दुबईमा भएको खेलमा पाहुना टोली न्युजिल्यान्ड १९ रनले विजयी भएको हो । योसँगै तीन खेलको टी-ट्वान्टी आई सिरिजमा न्युजिल्यान्डले १-० को अग्रता लिएको छ ।
न्युजिल्यान्डले दिएको १ सय ५६ रनको लक्ष्य पछ्याएको युएई १९ दशमलब ३ ओभरमा १ सय ३६ रनमा अल आउट भयो ।
युएईको लागि अर्यांश शर्माले ४३ बलमा ९ चौका र १ छक्कासहित ६० रनको अर्धशतकीय ईनिङ खेले पनि जिताउन सकेनन् ।
अली नासिरले १६ तथा वृत्य अरविन्द र आसिफ खान १३र१३ रनमा आउट भए । अंश टन्डन १२ रनमा आउट भए ।
न्युजिल्यान्डका लागि कप्तान टिम साउथीले ४ ओभरमा २५ रन खर्चेर ५ विकेट लिए । मिचेल सान्टनर र जेम्श निसमले समान २र२ तथा कायल जेमिसनले १ विकेट लिए ।
त्यसअघि टस हारेर पहिला ब्याटिङ गरेको न्युजिल्यान्डले निर्धारित २० ओभरमा ६ विकेट गुमाउँदै १ सय ५५ रन बनाएको थियो ।
न्युजिल्यान्डको जितमा ओपनर टिम सिफर्टले ३४ बलमा २ चौका र ३ छक्कासहित ५५ रनको अर्धशतकीय ईनिङ खेले ।
मार्क च्यापम्यान १८ बलमा १५ र जेम्श निशम २२ बलमा २ चौकासहित २५ रनमा क्याच आउट भए ।
युएईका लागि जुनैद सिद्दिक र बासिल हामिदले समान २र२ विकेट तथा जहुर खान र मोहम्मद फराजुदीनले समान १र१ विकेट लिए ।
दुईबीचको दोस्रो खेल शनिबार हुनेछ ।
प्रतिक्रिया