(Friday , 10 May,2024)
Anonymous
६ साउन, काठमाडौं । लिओनल मेसीले डेब्यु खेलमा अन्तिम समयमा गोल गरेपछि इन्टर मियामी विजयी भएको छ ।
लिग कप साउथ अन्तर्गत समूह सी को खेलमा मेसीले इन्जुरी टाइमको चौथो मिनेटमा फ्रिकिकमार्फत गोल गरेपछि इन्टर मियामीले क्रुज अजुललाई २(१ ले पराजित गरेको हो ।
उनी डेब्यु खेलमा दोस्रो हाफमा मैदान प्रवेश गरेका थिए ।
त्यसअघि थोमस टेलरले ४४औं मिनेटमा गोल गर्दै इन्टर मियामीलाई अग्रता दिलाएका थिए । क्रुजका उरियल अन्टुनाले ६५औं मिनेटमा गोल गर्दै खेल बराबरीमा ल्याए ।
तर मेसीले इन्जुरी टाइममा गोल गर्दै इन्टर मियामीलाई नाटकिय जित दिलाए । मेसी यसै समरमा पेरिस सेन्ट जर्मेन छाडेर मेजर सकर लिग क्लब इन्टर मियामी पुगेका हुन् ।
प्रतिक्रिया