(Thursday , 21 November,2024)
NepalNewsLine
१८ कात्तिक, जनकपुरधाम - गत ७ अक्टोबरमा प्यालेस्टाइनका चरमपन्थी समूह हमासको आक्रमणमा परी ज्यान गुमाएका धनुषाका आनन्द साहको शव घर ल्याइएको छ ।
नेपाली सेनाले आफ्नो विशेष विमानबाट शनिबार धनुषाको लक्ष्मीनियाँ गाउँपालिका–४ स्थित सपहीमा रहेको उनको घरमा ल्याइ दिएको हो ।
विमानबाट शनिबार अपराह्न साढे ५ बजे जनकपुरधाम विमानस्थलमा उनको शव ल्याइएको थियो । विमानस्थलबाट नेपाली सेनाकै टोलीले स्कर्टिङ गरेर आनन्दको शवलाई उनको घर पुर्याएको हो ।
उनको शव ल्याइएपछि घरपरिवारसहित गाउँबासी शोकमग्न एवम् भावविह्वल भएका छन् । शनिबार राति नै आनन्दको दाहसंस्कार गर्ने तयारी गरिएको छ ।
सुदूरपश्चिम विश्वविद्यालय अन्तर्गत टिकापुरको टिकापुर मल्टिपल क्याम्पसमा एग्रिकल्चरमा बीएससी पढेका आनन्द गत भदौमा अभ्यासका लागि इजरायल पुगेका थिए ।
चार सन्तानका बुबा सोमन साहका उनी एकला छोरा थिए । गत १३ कात्तिकमा मात्रै परराष्ट्र मन्त्रालयले आनन्दको शव पहिचान भएको बताएको थियो ।
प्रतिक्रिया