(Wednesday , 30 October,2024)
NepalNewsLine
२५ वैशाख,काठमाडौं - शहीद स्मारक ‘ए’ डिभिजन लिग फुटबलमा सोमबारबाट १६ औं चरणका खेलहरू सुरु हुँदैछन् ।
१६ औं चरणको पहिलो खेलमा सोमबार रेलिगेशन क्षेत्रमा रहेको फ्रेन्ड्स क्लबले एफसी खुमलटारसँग खेल्ने भएको हो । यो खेल ललितपुरको च्यासल मैदानमा सोमबार दिउँसो ३ बजे सुरु हुने भएको छ ।
पहिलो चरणको खेलमा फ्रेण्ड्सले खुमलटारलाई १–० ले पराजि तगरेको थियो । फ्रेन्ड्स १६ अंकसहित तालिकाको १३ औं स्थानमा छ भने खुमलटार १७ अंक सहित १२ औं स्थानमा रहेको छ ।
सोमबार नै एन्फा कम्प्लेक्स सातदोबाटोमा हुने खेलमा मनाङ मर्स्यांदी क्लबले नेपाल पुलिस क्लबसँग खेल्ने भएको छ । नयाँ प्रशिक्षक विष्णु गुरुङले जिम्मेवारी समालेपछि हौसिएको मनाङ तालिकाको पुछारमा रहेका पुलिसलाई पराजित गर्दै उपाधिको सम्भावना पुर्नजिवित पार्न चाहन्छ ।
पहिलो लिगको खेलमा पुलिसले मनाङलाई १–० ले पराजित गरेको थियो । मनाङ १५ खेलबाट १९ अंकसहित अंक तालिकाको आठौं स्थानमा रहँदा १५ अंक जोडेको पुलिस क्लब तालिकाको पुछारमा रहेको छ ।
२७ अंक जोडेको चर्च ब्वाइज युनाइटेड तालिकाको शीर्ष स्थानमा छ । साथै जावलाखेल, थ्रिस्टार र मच्छिन्द्र क्लबको समान २४ अंक रहेको छ ।
प्रतिक्रिया