(Sunday , 12 May,2024)
NepalNewsLine
१५ कार्तिक, काठमाडौं - नेकपा एमालेको चियापान सुरु भएको छ।
पार्टी कार्यालय च्यासलमा एमाले अध्यक्ष केपी शर्मा ओलीले चियापानको सुरुवात गरेका हुन्।
एमालेले सर्वसाधरण र कार्यकर्तालाई चियानपानका लागि दिउँसो साढे १२ बजे बोलाएको थियो।
कार्यक्रममा पार्टीका पदाधिकारीहरू मञ्चमा बसेका छन् भने स्थायी कमिटी सदस्यहरुले निम्तालुहरुलाई स्वागत गरिरहेका छन्।
एमालेले यसपाली निम्तालुहरूलाई केरा, लड्डु, निम्की र कटलेटको व्यवस्था गरेको छ।
चियापानमा प्रधानमन्त्री, मन्त्रीहरू, सांसदहरू, क्रियाशील राजनीतिक दलका प्रमुख, नेताहरू, संवैधानिक निकायका प्रमुखहरू, राजदूत, सुरक्षा निकायका प्रमुख तथा अधिकारीहरू लगायतलाई आमन्त्रण गरिएको छ।
प्रतिक्रिया