(Thursday , 21 November,2024)
NepalNewsLine
४ कार्तिक,काठमाडौं - गैरआवासीय नेपाली संघ (एनआरएनए) को अध्यक्षमा पराजित भएका आरके शर्माले परिणाम नमान्ने दोहोर्याएका छन् । उनले अहिलेकै बन्दसत्रबाट नयाँ बाटो तय गर्नुपर्ने बताए ।
आज असन्तुष्ट समूहले आयोजना गरेको पत्रकार सम्मेलनमा बोल्दै शर्माले मतपरिणाममा भएको त्रुटीबारे १५ दिनभित्र अनुसन्धान गर्ने सहमति विजयी पक्षले तोडेको बताए । सहमति विपरित आजै सपथ खानुले धाँधली भएको पुष्टि हुने उनको भनाइ थियो ।
शर्माले भने, ‘१४ दिनभित्र अनुसन्धान गर्ने र कुनै गल्ति भेटिए पुनःमतदान गर्न उहाँहरु पनि सहमत हुनुभएको थियो । तर, आज नाटकीयरुपमा बिहानै आतुरी गरेर सपथग्रहण गर्नुभयो । यो जालसाँझी हो । उहाँ आफूले आफूलाई अध्यक्ष घोषणा गर्नुभएको छ, तर उहाँ अध्यक्ष होइन ।’
आगामी दिनमा संस्थालाई सुद्धिकरण गरेर जानुपर्ने बताए । यही सम्मेलनको बन्दसत्रलाई निरन्तरता दिन र नयाँ बाटो तय गरेर जान उनको अनुरोध थियो । नयाँ बाटो के हो भन्ने उनले खुलाएनन् ।
प्रतिक्रिया