(Wednesday , 21 February,2024)

 फागुन ३ गतेदेखि ‘कमेडी च्याम्पियन सिजन–३’प्रशारण हुने

NepalNewsLine

NepalNewsLine

Image 1

काठमाडौँ । स्ट्यान्ड अप कमेडी रियालिटी शो ‘कमेडी च्याम्पियन सिजन–३’ फागुन ३ गतेदेखि प्रसारण हुने भएको छ । शो हरेक हप्ता बिहीबार र शुक्रबार प्रसारण गर्ने तयारी निर्माण युनिटले गरेको छ ।

कान्तिपुर टेलिभिजनबाट प्रसारण हुने शोको डिजिटल अडिसनमा करिब दुई हजारले सहभागिता जनाएका थिए । त्यसबाट सात सय छनोट गरिएको थियो । सात सयबाट १३२ जनालाई प्रि–जजिङमा सहभागी थिए । ७६ जनाले निर्णायक अगाडि प्रस्तुति दिएका थिए । त्यसमध्ये २४ जना छनोट भएका छन् ।

शोजको निर्देशन पहिले झै विशाल भण्डारीले गर्नेछन् । सन्तोष पन्त, मनोज गजुरेल, प्रदीप भट्टराई र ऋचा शर्मा निर्णायक रहने शोको होस्ट रीमा विश्वकर्मा र मेक्सम गौंडेल रहनेछन् । शो घोषणा बुधबार राजधानीमा एक कार्यक्रमका बिच हुँदैछ ।

‘कमेडी च्याम्पियन’को सिजन–१ को विजेता हिमेश पन्त हुन् भने दोस्रो सिजन भरतमणि पौडेलले जितेका थिए । हिमेश राजनीतिमा पनि सक्रिय छन् । भरतमणी भने अहिले कमेडी कार्यक्रम लिएर अमेरिका यात्रामा छन् । 

× © Nepal Weather Today
×
© Panchang
×
© Forex Nepal
×
© Nepali horoscope
×
Gold Rates Nepal