(Friday , 01 November,2024)
NepalNewsLine
काठमाडौं - बुढानीलकण्ठस्थित विपश्यना केन्द्रमा ध्यान गर्न आएका बलिउड अभिनेता आमिर खान भारत फर्किएका छन् । गत आइतबार काठमाडौं आइपुगेका उनी शुक्रबार बिहान १०.५० बजे इण्डिगो एयरलाइन्सबाट मुम्बई प्रस्थान गरेका हुन् ।
आमिरले सोमबारदेखि विपश्यनामा साधना गरे । शुक्रबार बिहान साढे ८ बजे उनले ध्यान केन्द्र छाडेर निस्किएको उक्त केन्द्रका एक कर्मचारीले बताए । आफ्ना नजिकका साथी राजीव लुथ्राको निधन भएपछि आमिर बीचमै ध्यान-साधना छाडेर गएको र पछि आउँदा ध्यान शिविरमा पूरा समय बस्ने बताएको जनाइएको छ ।
‘उहाँ साढे ८ बजे नै यहाँबाट निस्कनुभएको हो । यति चाँडै किन निस्कनुभयो, त्यो कारण थाहा भएन, केन्द्रका कर्मचारीले भने । विपश्यनाको नियमानुसार १० दिन नियम पालनासहित ध्यान गर्नुपर्छ । आमिरले पनि सोही अवधिसम्म ध्यान गर्ने बताइएको थियो ।
आइतबार नेपाल आउँदा उनलाई व्यवसायी रुपज्योतिलगायतले विमानस्थलमा स्वागत गरेका थिए ।
प्रतिक्रिया