(Saturday , 23 November,2024)
NepalNewsLine
६ असार, बुटवल - रुपन्देही जिल्ला शिक्षा समन्वय इकाईका प्रमुख दीपेन्द्र ढकाल सवार सरकारी गाडीलाई ट्राफिक प्रहरीले नियन्त्रणमा लिएको छ ।
शनिबार विद्यालय अनुगमनको बहानामा प्रशासनको पास बिना गाडीमा सवार भएको अवस्थामा ट्राफिक प्रहरीले गाडी नियन्त्रणमा लिएको हो ।
पासबिनाको जिल्ल शिक्षा समन्वयको बा २ झ १०१० नम्बरको सरकारी गाडी नियन्त्रणमा लिइएको राजमार्ग सुरक्षा तथा ट्राफिक व्यवस्थापन कार्यालय बुटवलमा नियन्त्रणमा लिएको प्रहरी निरीक्षक साकार राज पन्तले बताए ।
गाडी जिल्ला प्रशासनका बुझाइदिने र सरकारी दुरुपयोगको अभियोगमा प्रशासनबाटै कारबाही हुने जानकारी दिए ।
शनिबारको दिन सरकारी गाडीको दुरुपयोग गर्दै शिक्षा समन्वय प्रमुख ढकाल पाल्पाको नुवाकोट पुगेका थिए ।
उनले जिल्ला प्रशासन कार्यालयको अनुमति विना शनिबार सरकारी गाडी लिएर घुमफिर र खानपानमा हिँडेको खबर आए लगत्तै प्रमुख जिल्ला अधिकारी भरतमणि पाण्डेको निर्देशनमा ट्राफिक प्रहरीले गाडी नियन्त्रणमा लिएको बताए ।
शनिबार बिहान बुटवलबाट केबलकार चढेर वसन्तपुर घुम्न पुगेका उनी दिउँसो पाल्पाको नुवाकोटमा पुगेर रम्दै गरेको अवस्थामा फेला परेका थिए ।
उनीसँगै केही निजी विद्यालय सञ्चालकहरू पनि साथमा रहेको बताइएको छ ।
प्रतिक्रिया