(Sunday , 24 November,2024)
NepalNewsLine
काठमाडौं । प्रतिपक्ष तीन दलको बैठक बसेर प्रधानमन्त्री केपी शर्मा ओलीले आइतबार लिने विश्वासको मतका बारेमा छलफल गरेका छन् ।
नेकपा माओवादी केन्द्रको सिंहदरबारमा रहेको संसदीय दलको कार्यालयमा माओवादी केन्द्र, राष्ट्रिय स्वतन्त्र पार्टी र एकीकृत समाजवादीको बैठक बसेको हो ।
बैठक पछि जानकारी दिँदै एकीकृत समाजवादीको उपाध्यक्ष राजेन्द्र पाण्डेले भने,‘प्रधानमन्त्रीले आइतबार विश्वासको मत लिने भन्ने कुरा आयो । प्रतिपक्ष दलको यो विश्वासको मतको सवालमा कसरी जान, साझा धारणाा बनाउने छलफल हो ।’
दुई ठूला दल मिलेर के के आधारमा सरकार बनेको त्यसबारेमा जानकारी नगराइएको उनले बताए । सरकारको साझा न्युनतम कार्यक्रम पनि सार्वजनिक नगरिएको पाण्डेले बताए । ‘पर्सी विश्वासको मत माग्ने पनि कुनै इस्यु होला । उहाँलाई विश्वासको मत दिन सकिने नसकिने त्यही बारेमा छलफल ग¥यौं,’ पाण्डेले भने ।
बैठकमा माओवादी केन्द्रका अध्यक्ष पुष्पकमल दाहाल प्रचण्ड, रास्वपाका सभापति रवि लामिछाने, एकीकृत समाजवादीका अध्यक्ष माधव नेपाल सहभागी थिए । साथै बैठकमा उपल्लो तहका केही सिमित नेता सहभागी थिए ।
प्रतिक्रिया